Reservas de sangue baixas en vésperas das datas do Nadal

As reservas dos grupos sanguíneos Cero positivo (0+) e A positivo (A+) permanecen baixas na Comunidade galega, mentres que as de Cero negativo (0-) e A negativo (A-) atópanse normais, segundo a información facilitada este martes pola Axencia de Doazón de Órganos e Sangue (ADOS).

Así, ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.

Co fin de facilitar a doazón, o vindeiro martes, 26 de decembro, acudirán unidades móbiles aos municipios coruñeses de Ferrol --Praza de Armas--, Camariñas --fronte á confraría--, A Coruña --diante do centro de saúde do barrio Adormideras--, Melide --Cantón de San Roque-- e Santiago --Praza Vermella--.

Tamén o martes desprazaranse unidades móbiles ao concello lucense de Chantada --Praza de Galicia--, así como ao ourensán de Pobra de Trives --Rúa San Martiño--.

Ademais, unidades de ADOS estarán o día 26 nas localidades pontevedresas de Portonovo --á beira do colexio--, O Porriño --cale Domingo Bo-- e Vigo --zonas As Travesas na Praza de América--.