O comercio ilegal de animais en Galicia: "un pozo negro de abandonos"

Animalistas  instan á Xunta a "sancionar ás páxinas web que difunden este tipo de prácticas"


|


Can


O comercio ilegal de animais a través de Internet é "un buraco negro de abandonos", tal e como aseguran a Asociación Animalista Libera e a Fundación Franz Weber, e instan á Xunta a "sancionar ás páxinas web que difunden este tipo de prácticas ilegais".


Debido á proximidade das datas do Nadal, ambos os organismos denunciaron este domingo o "descontrol absoluto sobre os anuncios de compravenda ou intercambio" de animais, que son empregados como "agasallo" a través de "transaccións irregulares".


Neste sentido, Libera e a Fundación Franz Weber incidiron en que "o 40% dos animais vendidos agora serán abandonados nos primeiros meses de 2018", porque foron "froito de compras compulsivas", o que acaba derivando en "falta de tempo para unha tenencia responsable".



Noticia


Os animalistas explicaron que "os animais sen identificar son intercambiados ou deixados á súa sorte" e, posteriormente, "recollidos por servizos públicos ou entidades protectoras" xa en "condicións deplorables de abandono". Así, estas operacións ilegais "supoñen unha porcentaxe crecente" no número de abandonos da Comunidade galega: entre o 5 e o 10 por cento sobre o número total.


Así mesmo, sinalaron como exemplo unha "plataforma dixital" que acumula 145 anuncios coa palabra crave "pitbull". Nela aparecen "centos de ofertas de animais domésticos", pero "a inmensa maioría non cumpre cos requisitos mínimos". Os animalistas apuntan a "unha crecente fraude fiscal", xa que os anuncios "non contemplan números de identificación fiscal dos vendedores", polo que non devengarían IVE nin outro tipo de imposto pola transacción.

relacionada A responsabilidade coas mascotas apréndese desde a infancia
relacionada Máis da metade dos fogares elixiron adoptar a súa mascota en lugar de comprala

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE