O PSdeG reclama que Galicia "faga presión" para financiar a rede ferroviaria de mercadorías
Sinalado as contradicións entre a versión do ministro e de Feijóo e a posibilidade de que se atrase ata 2027.
O portavoz parlamentario do PSdeG, Xoaquín Fernández Leiceaga, instou este luns a Núñez Feijóo a poñerse "de acordo" co Ministerio de Fomento para garantir o financiamento da rede ferroviaria de mercadorías a partir de 2018.
En rolda de prensa, o dirixente socialista sinalou as contradicións entre a versión do ministro, Íñigo de la Serna, e do mandatario autonómico sobre a conexión ferroviaria e a posibilidade de que se atrase ata 2027.
Tras deixar claro que non pretende "confrontar" con este asunto, senón que Galicia --conxuntamente con Asturias e Castela e León-- "faga presión" para que se resolva, lembrou que esta comunidade saíu do mapa europeo coincidindo coa chegada de Mariano Rajoy á Moncloa.
Agora, como dixo o tamén presidente do PSdeG, aparece "con dificultade" dentro da rede básica, pois tanto Santiago como A Coruña e Vigo non figuran aínda que si Monforte, que erroneamente se localiza na provincia ourensá e non na lucense.
A colación diso, saudou os avances no porto seco de Monforte, pero urxiu a súa conexión tanto por estrada como por ferrocarril, do mesmo xeito que na plataforma loxístico-industrial de Salvaterra-As Neves (Plisan).
López Veiga: "Os portos galegos non poden quedar sen ferrocarril"
O "desprezo" de Fomento á conexión co corredor atlántico pásalle factura a Feijóo
Escribe o teu comentario