Así se almacenaban en Fisterra 100 toneladas de peixes e marisco
Carecían de documentación de procedencia, presentaban talle ilegal e non cumprían coas medidas de hixiene, mantemento e manipulación de alimentos.
Neste estado atoparon o peixe.
Un operativo despregado polo servizo de Gardacostas, xunto coa Policía Autonómica e a inspección sanitaria, saldouse coa incautación de 100 toneladas de produtos pesqueiros nun local de Sardiñeiro, en Fisterra.
Entre eles atopábanse exemplares de diferentes especies de peixe, polbo e outros moluscos que carecían de documentación de procedencia, presentaban talla ilegal e non cumprían coas medidas de hixiene, mantemento e manipulación de alimentos.
Debido ás condicións nas que se atopaba non foi posible determinar a cantidade exacta de cada especie, aínda que en conxunto calcúlase nunhas 100 toneladas.
O control realizouse nun establecemento situado en Sardiñeiro, que incumpría as condicións mínimas de hixiene e non dispoñía de autorización para algunhas das actividades que alí se realizaban, como a compra/venda de peixe fresco.
O dono chegou a ofrecer resistencia á inspección, chegando a proferir insultos aos axentes desprazados no punto para verificar as condicións do local.
Escribe o teu comentario