Criticas do Goberno venezolano á reunión entre Ledezma e Rajoy en Madrid
Desde Venezuela emitiron un comunicado oficial cualificando o acto como un "acto inamistoso"
O alcalde metropolitano de Caracas, Antonio Ledezma, chegou onte a España como un opositor exiliado polo goberno de Maduro. Ledezma reuniuse con Mariano Rajoy despois da súa chegada a Madrid, o que provocou o enfado do goberno venezolano que considera o feito como un "acto inamistoso".
"O Goberno Bolivariano de Venezuela expresa o seu rexeitamento ante as accións do presidente do Goberno de España, Mariano Rajoy, tras recibir ao prófugo da xustiza venezolana Antonio Ledezma, axuizado polos delitos de conspiración e asociación para delinquir" manifestou o chanceler Jorge Arreaza nas redes sociais. Pola súa banda, o goberno expresou mediante un comunicado oficial que este acto supón unha ?continuación dunha longa lista de agresións e inxerencias que se cometen contra o pobo e Goberno bolivariano?
Ademais, consideran que o presidente Rajoy está "a violar todos os principios do Dereito Internacional ao dar protección e apoio sostido a un grupo extremista da oposición violenta venezolana, quen violou os principios democráticos e promoveron a desestabilización do goberno lexítimo do noso país". Á súa vez, denuncia que este feito se "inscribe na estratexia de grupos minoritarios da extrema dereita para sabotear os esforzos e avances no diálogo político en Venezuela"
Escribe o teu comentario