Amnistía Internacional recolle firmas polos seus membros detidos en Turquía

|

AmnistiainternacionalourenseImaxe da recollida de firmas.


Amnistía Internacional mobilizouse este sábado en Ourense para apoiar os 11 defensores dos dereitos humanos e membros desta organización mundial detidos desde xuño en Turquía.


Entre os detidos, precisou Amnistía Internacional nun comunicado, atópanse Idil Eser e Taner Kiliç, directora e presidente de Amnistía Internacional Turquía.


"Desde entón permanecen encadeados polo Goberno turco sen poder defenderse e, ata hai unhas horas, sen coñecer os cargos que se lles imputan", denunciou a organización, para logo engadir que finalmente se coñeceron os cargos este sábado.


Así, acúsase a estas 11 persoas "cargos de terrorismo", polo que se poderían enfrontar, denunciou Amnistía Internacional, a "15 anos de prisión".


"Por suposto, o Goberno turco acusa a estes compañeiros de terrorismo sen probas fundadas e unicamente porque considera que as persoas defensoras dos dereitos humanos son perigosas", subliñou a organización.


Amnistía Internacional saíu á rúa este sábado 14 de outubro, coincidindo co aniversario de Idil Eser, no marco dunha campaña mundial denominada #Brave --valente-- para defender a quen loita a favor dos dereitos humanos.


Precisamente, o grupo de Amnistía Internacional en Ourense estivo na Rúa do Paseo este sábado ofrecendo información sobre este caso e recollendo firmas para presionar ao Goberno turco para que libere a estas persoas.


relacionada Holanda nega o permiso de aterraxe ao avión do ministro de Exteriores turco
relacionada Chegan á Coruña catro refuxiados sirios procedentes de Turquía

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress