Rajoy convoca aos partidos para abordar o futuro "desde a unidade" e Pedro Sánchez rexeita "vetos"

Rajoy, durante a súa comparecencia.

O presidente do Goberno anunciou este domingo que convocará os partidos políticos con representación parlamentaria para "reflexionar sobre o futuro que hai que abordar xuntos" e mañá, luns, solicitará comparecer no Congreso dos Deputados.

Na súa comparecencia no Palacio da Moncloa, Rajoy constatou que "hoxe non houbo un referendo" de independencia en Cataluña e que "o Estado de Dereito mantén a súa fortaleza e vixencia" e que "reacciona ante todos os que o queren subverter".

"Mañá debemos restablecer o normal funcionamento normalidade institucional desde a unidade", aseverou.

Ademais, considera que "os responsables" dos  feridos como consecuencia as cargas policiais "son exclusivamente os que promoveron a violación da legalidade e a ruptura da convivencia".

DIÁLOGO SEN "VETOS"

Tamén Pedro Sánchez defendeu o diálogo co Govern da Generalitat e co conxunto de partidos "sen vetos".

E reprochou a  Podemos, que este domingo reclamou unha moción de censura contra Rajoy, que hai un ano frustrasen a súa conquista do Goberno. Garantiu, por tanto, "a estabilidade do Estado por encima dos intereses políticos e persoais".

Pedro Sánchez avisou a Rajoy de que "o tempo da inacción acabouse" e de que a súa "obrigación" é abrir un proceso de "negociación política" co Goberno da Generalitat que preside Carles Puigdemont para "superar esta crise".

"Esiximos que como presidente do Goberno dea unha solución política a esta grave crise, que negocie, negocie e negocie e logre un acordo, esa é a súa responsabilidade", remarcou unha comparecencia na sede federal do partido na que non admitiu preguntas.

Tras subliñar que este 1 de outubro foi "un día enormemente triste para a democracia, a imaxe exterior do país e a convivencia", o máximo líder do PSOE remarcou que a "primeira irresponsabilidade" do sucedido corresponde aos independentistas, por "sacar a política das institucións".

Pero tamén sinalou a responsabilidade do Goberno de Rajoy por "pechar as portas das institucións do Estado á política" para atopar unha solución.