Vetusta Morla inclúe un concerto na Coruña na súa nova xira por Latinoamérica e a Península

Será o día 12 de maio no Coliseum, e as entradas estarán á venda o 4 de outubro a través do seu sitio web.


|

VetustamorlaacusticoVetusta Morla, nun concerto acústico.

Vetusta Morla regresa aos escenarios tras un ano e medio no que o grupo estivo preparando o seu novo álbum de estudo, Mismo Sitio, Distinto Lugar, que chegará o 10 de novembro e será o protagonista da nova xira, na que inclúe un concerto o 12 de maio na Coruña.


Tras inaugurar a Feira Internacional do Libro de Guadalaxara (México) o 25 de novembro, a banda presentará o seu novo show en 2018 visitando 16 cidades de 7 países. O punto de partida será a capital de Perú, Lima, país no que o grupo actuará en directo por primeira vez na súa carreira.


Seguiranlle Chile, Colombia, México e Arxentina, destinos que o sexteto incorporou regularmente desde 2009 nos seus tours e onde contan cunha lexión de seguidores, apunta o comunicado.


O segundo tramo da presentación en directo de Mismo Sitio, Distinto Lugar celebrarase na Península Ibérica con dous concertos en Portugal e oito en España: Salamanca, Murcia, Sevilla, A Coruña (no Coliseum), Barcelona, Valencia, Madrid e Bilbao.


As entradas para todos os concertos da xira estarán á venda o mércores 4 de outubro ás 10,00 horas na súa propia web.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE