Martiño Noriega asegura que o clima coa policía é "cordial"

"Seguirano sendo", afirma o alcalde.

O alcalde de Santiago, Martiño Noriega, asegurou que as relacións cos corpos policiais da cidade son "cordiais" e "seguirano sendo".

Así se pronunciou ao ser preguntado pola negativa do sindicado policial SUP a acudir a os actos convocados na capital galega con motivo do Día da Policía para non compartir escenario cos membros da corporación municipal que criticaron a actuación policial durante o desaloxo do local okupado 'Escarnio e Maldizer'.

"Entendemos que as relacións son cordiais, de cooperación, entre a Policía Local, o Corpo da Policía Nacional (CPN) e vano seguir sendo, tamén na representación institucional", manifestou o rexedor.

Ademais, tras asegurar que o sindicato xa non acudiu outros anos a este acto por "diferentes motivos" criticou que "fagan de diferentes momentos e axendas" a "escusa" para "non ir".

"O que non pode iso é alterar o clima de colaboración", manifestou para asegurar que el "respecta o SUP" tanto "cando vai á Alcaldía para pedir apoios ante as eleccións sindicais" como "cando fai isto".