A ultradereita convértese na terceira forza en Alemaña e Merkel gaña as eleccións
Os resultados provisionais dan á actual chanceler ao redor dun terzo dos votos, polo 20% dos socialdemócratas de Martin Schulz.
"Que se vaian preparando", di a ultradereita.
Os resultados provisionais das eleccións alemás dan a vitoria á actual chanceler e candidata dos democristiáns, Angela Merkel, que leva doce anos no poder. Segundo estas cifras, o CDU álzase co 33% dos votos, fronte ao 20% dos socialdemóctratas, de Martin Chulz.
E como auguraban a maioría das sondaxes, por primeira vez no último medio século un partido ultranacionalista e de extrema dereita, como é Alternativa para Alemaña (AfD), entra no Bundestag (cámara baixa). A formación populista, que co seu discurso nacionalista, antiinmigración e antiislam se beneficiou das críticas á xestión migratoria da chanceler, postúlase como a terceira forza máis votada, con case o 13% dos sufraxios.
O candidato do partido ultradereitista, Alexander Gauland afirmou: "Que se vaian preparando para o que lles espera". "O Goberno que se abrigue porque imos a por el. Imos recuperar o noso país e o noso pobo", apostilou o veterano político.
Escribe o teu comentario