Caballero esixe que o Cunqueiro se converta nun centro de referencia
"Galicia é referente para 14 patoloxías, en Santiago e A Coruña, ningunha en Vigo", denunciou novamente o alcalde.
Exterior do hospital Álvaro Cunqueiro.
O alcalde de Vigo, Abel Caballero, esixiu este venres ao Sergas e á administración autonómica que "preparen" o Hospital Álvaro Cunqueiro para ser centro sanitario de referencia nacional, como xa o son os complexos hospitalarios de Santiago e A Coruña para un total de 14 patoloxías.
En declaracións aos medios, o rexedor olívico mostrou a súa "incredulidade absoluta" porque a xerencia do Hospital se mostre "encantada" co feito de que Vigo non teña un centro de referencia. "Din que están preparados, pero menten, porque se o estivesen serían referencia e non o son", constatou Caballero.
O alcalde volveu lembrar que o Ministerio de Sanidade outorgou ese recoñecemento a hospitais de Santiago e A Coruña, que son referencia nacional para patoloxías como epilepsia refractaria, queimados críticos, tumores intraoculares, transplante pulmonar, transplante de páncreas, ou ortopedia infantil, entre outras.
"Galicia é referente para 14 patoloxías, en Santiago e A Coruña, ningunha en Vigo", denunciou novamente.
A solución "máis lóxica" para o Cunqueiro é que o parking da Xunta sexa gratuíto
O Cunqueiro reforma os boxes de Urxencias polas peticións dos usuarios
Escribe o teu comentario