Gandeiros e medios de extinción, obrigados a compartir depósitos de auga en Ourense

A escaseza na provincia provoca a necesidade de distribuír auga con cisternas aos puntos máis afectados.


|

DepositoaguaDepósito de auga nunha localidade ourensá.

A Consellería do Medio Rural está a facilitar a recollida de auga a gandeiros que se viron afectados pola seca en puntos habilitados para extinción de incendios, algúns deles tamén con problemas, á vez que se estudan posibles medidas ante a situación de escaseza de auga que se rexistra en determinadas zonas da provincia de Ourense.


A conselleira do Medio Rural, Ángeles Vázquez, así o explicou en Sarria na o ser preguntada polas protestas convocadas para este xoves por gandeiros en localidades ourensás como Viana e A Gudiña, afectados pola seca.


Respecto diso, relatou que "é certo que se están facendo os distintos estudos sobre o que á seca se refire", e que "no que lle compete a Medio Rural está a habilitarse todo o preciso".


"É máis", agregou, "hai gandeiros que por falta de auga están a recoller auga nos puntos de incendios e estáselles permitindo que fagan así a pesar da problemática cos incendios, pero habilitamos cisternas para volver encher os espazos para que eles teñan un espazo" para conseguir auga.


Á marxe desta medida, confía ademais na reunión "en breve" da "Mesa da Seca", na que se analizará se se declara a situación de alerta en certas zonas, atendendo ao feito de que Ourense sufriu "un mal ano en canto ao que chuvia se refire", e avaliaranse posibles accións.


relacionada Galicia, a un paso de decretar a alerta por seca este mes de setembro
relacionada Parte dos 6.000 depósitos de auga contra incendios están secos
relacionada A seca obriga a levar auga en camións cisterna a municipios de Ourense

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE