ADEGA critica os "parches" no "fracasado" modelo de Sogama

A asociación ecoloxista reclama promover a compostaxe a gran escala para reducir ao máximo a incineración.


|

SogamainteriorInterior da planta de Sogama.


A Xunta "parchea" de novo o modelo de tratamento de residuos de Sogama para "promover a compostaxe e a recollida selectiva de materia orgánica a nivel municipal, aínda que de forma case experimental", tal e como sinala a asociación ecoloxista ADEGA nun comunicado.


ADEGA considera que, desta forma, "pola porta de atrás, a Xunta acaba de certificar tras 20 anos o fracaso do modelo Sogama baseado na incineración".


E é que "a enésima modificación dle Plan de Residuos vai permitir aos concellos cambiar o sistema de recollida para que a materia orgánica poida ser separada en orixe".


ADEGA explica que a compostaxe a gran escala é indispensable para "cumprir os obxectivos de reciclaxe" que establece a normativa europea. Galicia só alcanza nestes momentos o 3,3% e ten que chegar ao 50% da materia orgánica en 2020 se quere evitar sancións.


Desde a asociación ambientalista, por tanto, reclaman que a Xunta "abandone a incineración e a vertedura e pise o acelerador da compostaxe", estendendo a todos os concellos a posibilidade de recoller a materia orgánica de forma separada.


Lembran, ademais, que na comunidade existen iniciativas máis avanzadas neste sentido "como as da Mancomunidade do Barbanza, Allariz, San Sadurniño ou a Deputación de Pontevedra".

relacionada Unha factura do lixo para que pague máis quen máis residuos xera
relacionada Os galegos reciclamos máis vidro, pero seguimos por baixo da media española

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE