Tres escaladores, feridos polo desprendemento dunha pedra no canón do Sil

Canón do Sil.

Tres persoas resultaron feridas de distinta consideración ao ser alcanzadas polo desprendemento dunha pedra en Nogueira de Ramuín, en pleno canón do Sil, mentres practicaban escalada.

Dúas das tres vítimas, un mozo e unha moza, foron trasladadas en ambulancia ao hospital Piñor, de Ourense; mentres a terceira persoa non necesitou ser evacuada.

Segundo a información proporcionada polo 112, o desprendemento produciuse nunha zona de difícil acceso, na contorna da presa de Santo Estevo, sobre as dúas da tarde.

Tras recibir a alerta doutro escalador, o 112 alertou ao 061, o grupo de emerxencias supramunicipal (GES) de Pereiro de Aguiar, Protección Civil e a Garda Civil.

Con todo, as tres vítimas foron auxiliadas por un barco particular, que se encargou de realizar o traslado ata o embarcadoiro de Santo Estevo, onde xa se atopaban os efectivos sanitarios para avaliar o estado dos escaladores.