O primeiro detido polos atentados tivo problemas coa Xustiza

Tres días antes dos ataques tivo un xuízo rápido por violencia machista e en 2012 foi denunciado por violación, aínda que non condenado.


|

DrissOukabirDriss Oukabir foi o primeiro sospeitoso identificado.


O detido pola súa presunta implicación nos atentados de Barcelona e Cambrils Driss Oukabir tivo un xuízo rápido no xulgado de Ripoll por violencia machista tres días antes dos ataques, ten vixente unha orde de afastamento da súa parella e será xulgado en febreiro.


Segundo explicaron a Europa Press fontes xudiciais, Oukabir, que actualmente está en prisión provisional por orde da Audiencia Nacional por delitos de integración en organización terrorista, asasinato e lesións de carácter terrorista, foi detido o 23 de xullo polos Mossos d'Esquadra ao recibir unha denuncia dos veciños.


Ao día seguinte, Oukabir compareceu ante a titular do Xulgado de Ripoll, que acordou unha orde de afastamento e unha prohibición de comunicarse coa súa parella, a pesar de que a muller decidiu non acusalo e só acusou Fiscalía.


O 14 de agosto, tan só tres días antes do atentado de Barcelona, celebrouse un xuízo rápido no Xulgado único de Ripoll, no que Oukabir non se conformou, polo que a causa foi enviada ao xulgado penal 6 de Xirona que ten as competencias en violencia doméstica, e o xuízo por este caso celebrarase en febreiro de 2018.


ARQUIVADA OUTRA DENUNCIA


En 2012, Driss Oukabir pasou un mes en prisión preventiva no antigo centro penal de Figueres por unha denuncia por un presunto delito de abusos sexuais a outra muller, aínda que finalmente non foi condenado por estes feitos.


Segundo indicaron fontes xudiciais a Europa Press, Oukabir foi denunciado por violación por unha moza coa que el e un amigo pasaran a noite, pero finalmente o caso arquivouse por falta de probas.

relacionada A investigación dos atentados céntrase nos lazos co estranxeiro
relacionada Os terroristas detidos revelan que o imán de Ripoll quería inmolarse

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE