A pelexa entre a Xunta e Vigo, detonante para o caos das viaxes ás Cíes

|

Navieracies 1Un dos barcos, chegando ao embarcadoiro.


A navieira Piratas de Nabia recoñeceu este martes que vendeu billetes ás Illas Cíes por encima da cota permitida e asumiu a súa "parte de responsabilidade" (son cinco as empresas que operan esas viaxes), á vez que lamentou a "mala imaxe" que se deu do servizo e o "dano" ao Parque Nacional.


En declaracións a Europa Press, Luisa Leyenda, portavoz da empresa, admitiu que os problemas ocorridos na estación marítima o domingo e o luns foron resultado dunha sobrevenda de billetes, e recoñeceu que a Xunta se puxo en contacto coas navieiras para advertilas desa circunstancia.


"Foi así, non ten sentido negalo", apuntou. A portavoz de Nabia --única navieira que, ata o momento, deu explicacións publicamente sobre o sucedido-- sinalou, con todo, que a sobrevenda de billetes "non é unha novidade deste ano, nin dos anteriores", polo que se preguntou "por que agora" a Xunta decidiu intervir de forma drástica, impedindo desembarcos e anunciando sancións contundentes.


A xuízo de Luisa Leyenda, a polémica ten un "transfondo político", e mostrouse convencida de que a actuación da Administración autonómica está directamente relacionada co enfrontamento entre a Xunta e o Concello pola candidatura a Patrimonio da Humanidade.


REUNIÓN


En todo caso, Nabia optou por suspender as viaxes ás Cíes, polo menos "ata que a situación se normalice". Finalmente, Luisa Leyenda admitiu a necesidade de "sentar" coa Xunta para, entre as navieiras e a administración, tomar medidas "para que isto non volva suceder nunca".


"SOLEMNE ESTUPIDEZ"


O Grupo Municipal do PP no Concello de Vigo reclamou á Xunta que se reforcen os mecanismos de control na venda de billetes das navieiras que viaxan ás illas Cíes, pero advertiu de que insinuar que o Goberno galego actuou "a propósito" para xerar un caos ou danar a imaxe do Parque Nacional é "unha solemne estupidez".

relacionada Sancións de ata 200.000 euros para as navieiras que masifican as Cíes
relacionada Segunda xornada de caos nas viaxes ás Cíes, con centos de turistas afectados

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress