O consultorio de Soutelo de Montes só abrirá catro horas e media cada día este mes
O Sergas bloquea as citas médicas a primeira e última hora da mañá ata mediados de agosto, nun centro sobre o que pesa unha ameaza de desmantelamento.
O consultorio de Soutelo de Montes, baixo ameaza de peche.
Ata mediados do mes de agosto, o Sergas decidiu reprogramar provisionalmente parte do horario de consultas do consultorio de Soutelo de Montes, situado no municipio pontevedrés de Forcarei.
Segundo informou a Xunta, durante esta quincena, as citas médicas entre as 9,00 e as 13,30 horas atenderanse en Soutelo de Montes, mentres que as urxencias entre as 8,00 e as 9,00 horas e entre as 13,30 e as 15,00 horas, atenderanse en Forcarei.
O impacto desta "reestruturación temporal", defendeu a Xunta, será "mínimo", posto que a demanda de consultas a primeira e última hora é "moi baixa" en Soutelo de Montes.
Este centro está ameazado polos plans do Sergas. Xa en xuño enviou a un dos dous únicos médicos que atendían neste consultorio para Forcarei, a pesar das protestas dos veciños ante a intención de desmantelalo.
O Sergas desmantela un centro de saúde de Forcarei por aforrar 50.000 euros
Escribe o teu comentario