Bicho loitará por quedar no Dépor "ata que poida"
O canteirán deportivista mostra a súa intención de pelexar por un posto no equipo para non saír cedido.
Bicho busca oco de branquiazul. Foto: RC Deportivo
O canteirán deportivista Bicho non ten ganas de volver saír cedido outra tempada e aspira a facerse un oco no primeiro equipo.
Así o dixo o xogador, que a tempada pasada defendeu as cores do Racing de Ferrol, equipo contra o que o Dépor se enfrontou esta semana nun encontro de pretemporada. Recoñeceu que esta etapa lle serviu para "crecer moito" como futbolista, por iso aspira a máis.
Bicho declarou "estar por agora centrado no primeiro equipo. Ninguén me dixo nada. Aquí sigo, pelexando coma ata agora e vou seguir ata que poida".
TERESA HERRERA
As entradas de público para o Trofeo Teresa Herrera, que terá lugar o vindeiro sábado 5 de agosto, xa están á venda desde este venres.
Unicamente se venden entradas de público para catro localidades para asistir ao decano dos torneos de verán: Tribuna Superior, Tribuna Inferior, Preferencia Superior (todas a 20 euros) e Marathón Superior (10 euros).
O Dépor mete unha marcha máis na pretemporada con amigables de máis nivel
Juanfran queda: "Nunca tiven ningún motivo para saír"
Escribe o teu comentario