Non haberá pleno extraordinario no Parlamento polo traspaso da AP-9
O PP válese da súa maioría para rexeitar a proposta presentada por toda a oposición e que non ve urxente.
O PPdeG xustifica que esas cuestións "xa foron tratadas".
A Deputación Permanente rexeitou celebrar un pleno extraordinario na Cámara galega. A proposta, presentada polos tres grupos da oposición --En Marea, PSdeG e BNG--, foi tombada cos votos en contra dos representantes do PPdeG.
Este venres reuniuse este órgano coa convocatoria dunha sesión plenaria extraordinaria no mes de agosto na orde do día a iniciativa dos grupos da oposición, que solicitaban a comparecencia Núñez Feijóo para ofrecer explicacións sobre o estado da lei de transferencia da AP-9, o novo plan de transporte por terra e a entrada en vigor de Lei de Inclusión Social.
Os doce votos dos representantes do grupo popular impediron que a proposta saíse adiante, xa que, como explicou o seu portavoz, Pedro Puy, as cuestións expostas pola oposición "xa foron tratadas" en anteriores plenos e non son asuntos de urxencia que xustifiquen a convocatoria dunha sesión extraordinaria.
A oposición pide un pleno extraordinario sobre o traspaso da AP-9
Rajoy anuncia obras millonarias en estradas mentres bloquea o traspaso da AP-9
Escribe o teu comentario