Multitudinaria manifestación do BNG para superar un Estatuto 'anémico'

A manifestación terminou, como é habitual, na Quintana.

Centos de persoas secundaron este 25 de xullo a tradicional manifestación do 'Día da Patria' convocada polo BNG para reclamar que Galicia sexa recoñecida como "unha nación", segundo proclamou a portavoz nacional da formación, Ana Pontón, á saída da marcha que tivo lugar ao mediodía desde a Alameda compostelá.

"O BNG quere este 25 de xullo facer un chamamento a que superemos o actual Estado da Autonomía, un Estatuto 'autoanémico' que non nos permitiu progresar todo o que podiamos", dixo Pontón, para quen é necesario que Galicia conte cunha "Facenda propia" e con instrumentos que "permitan mellorar a vida da xente".

Entre proclamas como 'Quen queira, quen non, Galicia é unha nación', Ana Pontón subliñou que o BNG ten as portas abertas para "os que senten Galicia, os que confían na súa capacidade e na súa potencialidade" e realizou un chamamento á "unidade dos galegos fronte a un centralismo cada vez máis caduco".