A Marcha Branca denuncia cifras récord de camas pechadas en Galicia
Revelan que teñen coñecemento de pacientes que "non están en ningunha lista de espera" aínda que leven meses pendentes de someterse a algunha proba.
É o problema "de todos os anos" no Sergas.
A 26ª Marcha Branca volveu ás rúas da Coruña para denunciar o problema "de todos os anos": o peche de camas nos servizos hospitalarios do Sergas, que este ano, segundo a plataforma, alcanza un dos seus máis altos niveis.
Varias decenas de persoas concentráronse este domingo no Obelisco da cidade herculina. Así, a plataforma alertou ante o "peche de 140 camas no CHUAC e 50 no Hospital Abente e Lago da Coruña", ao que hai que sumar "a perda de pediatras nas provincias de Ourense e Lugo" durante os meses de verán.
Ademais, afeou que o Sergas aínda non publicase os datos das listas de espera do mes de xuño que, como lembrou, "xa tiñan que estar presentadas".
Así mesmo, aseguran que a plataforma ten coñecemento de varios casos de pacientes que levan meses esperando a ser chamados para someterse a probas.
Como indican, estas persoas "non están en ningunha lista de espera", polo que o volume de demandantes é "maior" que os datos oficiais.
A continuación, Rodríguez avanzou que o vindeiro mércores, representantes da plataforma manterán un encontro cos grupos parlamentarios para trasladarlles as 38 reivindicacións da Marea Branca a nivel estatal.
As urxencias do CHUAC, as primeiras en colpsar polo peche de camas
"Entre o 15 e o 20%" das camas do Sergas estarán pechadas este verán
Escribe o teu comentario