Tres cineastas galegos presentan as súas curtas en Vila do Conde

Imaxe de 'Fajr', de Lois Patiño. 

Os cineastas galegos Lois Patiño, co seu documental 'Fajr', así como Helena Girón e Samuel Delgado, con 'Montañas ardientes que vomitan fuego', participarán na XXV edición do Festival Vila do Conde, en Portugal.

O festival xa se inaugurou o pasado sábado día 8, coa película do finlandés Aki Kaurismäki 'O outro lado da esperanza' e dedicará, ademais, unha retrospectiva ao realizador francés F. J. Ossang.

Fotograma de 'Montañas ardentes que vomitan lume'.

Á cita, que dura ata o este domingo 16, acudirán outros nomes da escena española como Laura Farrés, que presenta 'Los desheredados', ou Velasco Broca, con 'Nuestra amiga la luna'.

Os tres galegos competirán neste escaparate de cinema experimental xunto a soados nomes do cinema de vangarda como os norteamericanos Ken Jacobs, Bill Morrison ou Vivian Ostrovsky.