Os galegos da Segunda B loitarán contra os quilómetros e as billeteiras

|

CeltabboiroPartido entre o Celta B e o Boiro, a tempada pasada.


Os sete equipos galegos que esta tempada competirán en Segunda B terán que medirse no Grupo I a madrileños, castelán-manchegos e a catro dos seis clubs de Castela e León.


A nova división obriga aos clubs da nosa comunidade a desprazamentos máis longos e a medirse contra os temidos equipos madrileños, moitos deles, filiais de clubs grandes ou que contan cos orzamentos máis altos da división.


Galicia defendía nesta ocasión unha proposta continuista, que metería no mesmo grupo a Asturias, Castela e León e Navarra, aínda que non contou co apoio suficiente.


Celta B, Pontevedra, Racing de Ferrol, Coruxo, Fabril, Rápido de Bouzas e Cerceda terán como rivais a Ponferradina, Valladolid B, Guijuelo, Gimnástica Segoviana, Rayo Majadahonda, Fuenlabrada, Real Madrid Castilla, Navalcarnero, San Sebastián de los Reyes, Atlético de Madrid B, Unión Adarve, Toledo e Talavera.


Esta composición será ratificada o día 20 pola Asemblea Xeral da Real Federación Española de Fútbol.

relacionada O Fabril consegue o obxectivo de regresar á Segunda B

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress