Os bailes de Abel Caballero e Carmela Silva arrasan na rede

O rexedor olívico e a presidenta da Deputación de Pontevedra eclipsan nas redes sociais os protagonistas do 'Vigo SeaFest'.


|

VigoseafestEn 'Vigo Seafest' o protagonista foi o mar.


Gastronomía, música, deportes, espectáculos... O 'Vigo SeaFest', celebrado esta fin de semana na cidade olívica, deixou un bo sabor de boca en Vigo en canto á acollida por parte do público. Tanto que as autoridades coinciden en que non debería ser a única edición.


Coa intención de "poñer en valor" os produtos do mar, a Cooperativa de Armadores de Vigo promoveu toda unha serie de eventos en torno ao peixe.


Con todo, nas redes sociais, este protagonismo quedou eclipsado polos bailes de Abel Caballero e Carmela Silva, un vídeo que supera as 16.000 reproducións no facebook do propio festival.


O PEIXE É SAÚDE


Na parte seria, o presidente da Xunta anunciou o apoio futuro para que se celebren máis edicións deste festival do mar, ao considerar que o 'Vigo SeaFest' foi "unha aposta con éxito" e animou á mocidade para comer peixe e a "non tomar produtos azucrados e cheos de colesterol que engordan e non nutren".


Acto seguido, destacou a gastronomía "de primeira calidade" do 'Vigo SeaFest', que contou coa presenza durante esta fin de semana de 12 chefs galegos. Neste sentido, apostou por unir "pesca, gastronomía e turismo" para "concretar unha data importantísima" na gastronomía, no lecer e na cultura galega e española.


"EXCEPCIONAL" AFLUENCIA


Pola súa banda, o alcalde de Vigo, Abel Caballero, destacou a "excepcional" afluencia de xente. "Quero felicitar a ARVI (Cooperativa de Armadores de Vigo) e agradecer o apoio da Deputación", subliñou, xusto antes de sinalar que o ente provincial apoiou o dito evento con 50.00 euros, mentres que o Concello fíxoo con 105.000.


"(Trátase de) a posta en valor do peixe como centro dunha reunión gastronómica desta envergadura", destacou o alcalde, quen tamén fixo fincapé en que "as colas ían rápido".


Preguntado por se o 'Vigo SeaFest' é o que necesitaba o sector, o alcalde considera que se trata dun "paso adiante máis da cidade", á vez que destacou que este evento se centre no consumo, con prezos "moi alcanzables" e produtos "de altísimo nivel".

relacionada Caballero, sobre Feijóo: "Os que tratan ben a Vigo son os meus amigos, os que a tratan mal, non"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE