Unha nena ferida leve nunha colisión múltiple en Vilaboa

Unha nena resultou ferida leve este domingo despois dun choque no que se viron implicados tres turismos en Vilaboa (Pontevedra). O accidente tivo lugar na AP-9, ao seu paso pola Ponte de Rande, sentido Pontevedra.

O 112 Galicia recibiu a alerta a través dun particular pasados uns minutos das 12:15 horas deste domingo. Indicou no seu relato que as persoas implicadas no accidente se atopaban accesibles e engadiu que os vehículos accidentados interrompían o tráfico.

Entón, enseguida, o persoal do CAE 112 Galicia pasou o aviso a Urxencias Médicas, Garda Civil de Tráfico, Bombeiros do Morrazo e Protección Civil da localidade.