Volven subir as temperaturas este domingo

Na xornada do domingo, empezará a consolidarse o anticiclón sobre Galicia, deixando ceos pouco nubrados ou despexados salvo no terzo norte, onde haberá nubes máis compactas con posibilidade dalgunha precipitación débil.

Segundo a información de Meteogalicia, o vento aumentará a súa intensidade co avance do día, ata soprar do norte con intensidade moderada, xa de tarde, na Rías Baixas e frouxo no interior.

As temperaturas, tanto mínimas como máximas, estarán en ascenso. Os valores máximos daranse en Pontevedra e Ourense, con 31º, mentres que os mínimos en Lugo, Ourense e Vigo, con 12º.