O director do Museo de Pontevedra confirma o roubo dun cadro de Villafínez

Os feitos saen á luz case dous anos despois, revelados polo presidente de Asociación de Amigos do Museo. 


|

Museodepontevedra 1


Un cadro do autor Lino Martínez Villafínez foi subtraído do Museo de Pontevedra hai case dous anos. A peza atopábase exposta na colección do Sexto Edificio. 


A desaparición, revelada polo presidente da Asociación Amigos do Museo, Ernesto Vázquez-Rey, a través das redes sociais, foi confirmada este mércores polo propio director do Museo de Pontevedra, Carlos Valle.


En concreto, Valle desvelou que o roubo se rexistrou en agosto de 2015, asegurando que se presentou denuncia "inmediatamente detectada esa desaparición". A continuación formulouse o pertinente parte ante a compañía de seguros que se fai cargo da póliza que asegura todo o contido do Museo.


Os investigadores da Policía rastrexaron as instalacións e revisaron todas as gravacións do circuíto interno de vixilancia sen obter resultados, dado que o cadro se atopaba nun "ángulo morto" para a visión das cámaras.


Tamén quixo rexeitar as críticas por falta de transparencia ante este caso, dado que a desaparición "non se ocultou". "Fíxose exactamente o que se ten que facer nestes casos", insistiu Carlos Valle, que presentou denuncia persoalmente ante as autoridades. "Non é unha circunstancia como para enviar unha nota de prensa", insistiu.


Este mércores o actual responsable político do Museo, o deputado de Cultura, Xosé Leal, defendeu que esta institución é "seria e rigorosa" no seu labor científico e administrativo polo que rexeitou as acusacións de escurantismo e as teorías de "política ficción", advertindo de que tentar manchar a imaxe do Museo con esas afirmacións desacredita a esa xente".


"Paréceme ata vergoñento, aquí séguense as canles que hai que seguir por lei", afirmou.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE