Un home mata dun disparo un mozo de 25 anos en Chapela na noite de San Xoán

|

PlayadeArealongaPraia de Arealonga, Chapela // www.masmar.net


Un mozo de 25 anos, nacido en Redondela e veciño de Vigo, faleceu na madrugada deste sábado, noite de San Xoán, ao recibir un disparo doutro home de 43 anos na praia de Arealonga, na parroquia de Chapela, en Redondela (Pontevedra).


Segundo informaron fontes policiais, o suceso tivo lugar ás 5,45 horas. Nese momento, varias persoas que alertaron ao 091 de que se rexistraron uns disparos e que un deles alcanzara a un mozo, que se atopaba "moi grave".


Tras recibir o aviso, varias dotacións da Policía Nacional desprazáronse ao lugar, onde os servizos sanitarios confirmaron o falecemento do novo.


Estas fontes policiais explicaron que non había relación entre ambos e que os feitos se produciron despois de que, segundo as testemuñas, a vítima e un amigo lle recriminasen ao agora detido "algunha pequena cuestión relativa a normas de urbanidade".


Segundo informa o diario La Voz de Galicia, concretamente a vítima chamou a atención ao agresor por ouriñar cara a onde se atopaba un grupo de mozos.


Nese momento, conforme apuntan as mesmas fontes, o presunto agresor "abriu fogo" sobre a vítima e o seu amigo, que non foi alcanzado ao conseguir escapar.


DETENCIÓN DO PRESUNTO AUTOR


As mesmas fontes explicaron que "grazas á axuda cidadá", que facilitaron detalles do presunto agresor, que foi detectado "non moi lonxe do lugar". Unha vez localizado, os axentes rodeárono e tomaron "medidas preventivas" para evitar que puidese efectuar mais disparos xa que portaba unha arma de gran calibre e reducírono.


O presunto autor, que permanece detido en dependencias policiais, foi arrestado cando acababa de subir a un taxi cun arma de fogo de gran calibre e tras ser descrito polas testemuñas dos feitos. O home ten varios antecedentes por feitos anteriores.


Ao lugar dos feitos, ademais das dotacións que interviñeron, acudiu a policía científica, a policía xudicial e a comisión do xulgado.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress