A Policía cifra en 58 os desaparecidos polo incendio de Grenfell en Londres

As forzas de seguridade británicas deron por desaparecidas e presumiblemente mortas a 58 persoas polo incendio declarado o pasado mércores na torre Grenfell, segundo informou o comandante da Policía metropolitana da capital británica, Stuart Cundy.

Cundy afirmou con todo que o número final de mortos aínda non está confirmado que estas estimacións poderían cambiar segundo pasen as horas e pendentes da evolución dos feridos.

Segundo os hospitais ingleses, agora mesmo hai 19 persoas hospitalizadas en catro centros médicos, das cales 10 están en estado crítico.