Ferrol instalará unha placa nun espazo público en memoria de Ignacio Echeverría

|

Ignacioecheverriamonopatin


A xunta de portavoces do Concello de Ferrol decidiu realizar "unha homenaxe a Ignacio Echeverría, vítima da barbarie e do despropósito", para o que se instalará unha placa conmemorativa na súa memoria, "pola súa valentía e comportamento exemplar, nun espazo público da nosa cidade, en data e lugar aínda por determinar".


Así o asegurou o Concello ferrolán a través dun comunicado, tras manter os portavoces de PP, PSOE, BNG e C's un encontro na zona de Alcaldía co rexedor desta cidade, Jorge Suárez, sen a presenza do portavoz de Ferrol en Común, Álvaro Montes.


Entre os espazos barallados para a instalación desa placa apuntáronse o Centro Cultural Torrente Ballester ou o Parque Municipal Reina Sofía.


Aínda que o único vínculo que tiña Echeverría coa cidade de Ferrol é que foi a localidade na que naceu, xa que o seu alumeamento produciuse no Hospital Juan Cardona, no barrio de Caranza, algúns grupos municipais, como o Partido Popular, postuláronse nos últimos días a favor de dedicar unha rúa a Ignacio Echeverría.

relacionada O Goberno concede a Gran Cruz da Orde do Mérito Civil a Ignacio Echeverría

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress