A Policía Local de Lugo auxilia unha muller cuxa parella tentou afogala
Cando chegaron ao lugar dos feitos o home estaba "moi nervioso" e a muller tivera que "pecharse nunha habitación da casa".
A Policía Local de Lugo auxiliou unha muller que manifestou que a súa parella tentara afogala aprentándolle o pescozo, polo que tivo que pecharse nunha habitación da casa.
Segundo informou a Policía Local, ás 17,40 horas do domingo recibiuse un aviso na Sala do 092 de que unha persoa veciña do inmoble situado no número 4 de Rúa Padre Sarmiento comunicou que a súa veciña do número 6 lle pedira que chamase á policía xa que tiña problemas coa súa parella.
Unha vez no lugar observaron un home "moi nervioso", segundo apuntaron as mesmas fontes policiais, que presentaba feridas. A súa parella manifestou que "tentara afogala apertándolle fortemente o pescozo tendo que pecharse nunha habitación da casa", segundo sinala a Policía Local.
Os indicáronlle os pasos para seguir, "manifestando a súa intención de denuncialo", segundo indica a Policía Local. A muller non quixo asistencia médica e o home foi trasladado ao Hospital Universitario Lucus Augusti (HULA) para recibir asistencia.
Escribe o teu comentario