O gardameta do Fabril será o que exerza como terceiro porteiro do Dépor

O ascenso do Fabril a Segunda B, tras seis anos seguidos en Terceira, despexa a primeira das incógnitas con respecto ao cadro da próxima tempada do primeiro equipo. E é que Tino Fernández expresou o seu desexo de confeccionar un cadro de xogadores curto, coa posibilidade de dar oportunidades aos do filial en caso de ascender.

O chanzo de categoría logrado permitirá, por tanto, que o Dépor peche o mercado, previsiblemente, con 20 xogadores de campo e dous porteiros. Así, o gardameta do Fabril ocupará esa terceira praza da portería do primeiro equipo en caso de necesidade.

Pero ademais da portería, a previsión da dirección deportiva é que se reserven dúas fichas a outros tantos canteiráns, que pode aproveitar Pepe Mel.