Son perigosas as árbores instaladas nas nosas vilas e cidades?

O Real Xardín Botánico, en Madrid, acolleu esta fin de semana un encontro de traballo entre técnicos e expertos en arboricultura e mantemento do arboledo urbano, co obxectivo de acabar coa "dispersión" que, segundo explicaron, existe á hora de valorar o risco que supón o estado das árbores en vilas.

O risco dunha mala valoración consiste, segundo explicaron, en que un mantemento inadecuado das árbores pode acabar co envorco dun tronco ou a caída de pólas que poden resultar perigosos para as persoas debido ao impacto recibido por estas.

A reunión, na que participaron expertos da Asociación Española de Arboricultura, da Asociación Española de Parques e Xardíns e a Fundació de la Jardineria i el Paisatge procedentes de todo o país, pretendía "unificar criterios e buscar uns estándares básicos na avaliación de risco en arboledo urbano", segundo explicaron os organizadores do evento, celebrado no Real Xardín Botánico de Madrid.

Co traballo realizado durante a fin de semana, os responsables elaborarán unha serie de protocolos e informes que despois se ofrecerán á Federación Española de Municipios e Provincias, presidida polo galego Abel Caballero, para que poidan utilizalos na xestión de riscos derivados do arboledo, como a caída de ramas en mal estado, e favorecer os seus beneficios ambientais.

"A idea é ofrecer unha toma de datos e un resultado uniforme para toda España con persoal formado en arboricultura. España precisa profesionais coñecedores da bioloxía arbórea e por iso é preciso ofrecer a necesidade urxente de formación regrada básica en arboledo para evitar erros que danen irreversiblemente ao arboledo urbano", explicou o conservador do Real Xardín Botánico-CSIC Mariano Sánchez.