Tres feridos nunha colisión múltiple en Caldas de Reis
No accidente estiveron implicados tres vehículos. As vítimas foron atendidas polo 061 e evacuadas a un centro sanitario.
Tres persoas resultaron feridas durante a mañá deste xoves en unha colisión na que se viron implicados tres vehículos e que tivo lugar no municipio pontevedrés de Caldas de Reis.
Segundo a información da Central de Atención a Emerxencias 112-Galicia, o accidente de tráfico tivo lugar pasadas as 11,00 horas na estrada N-550, ao seu paso pola parroquia de Arcos da Condesa.
Ata a zona desprazáronse efectivos da Garda Civil de Tráfico, de Protección Civil e dos Bombeiros de Vilagarcía. As vítimas foron asistidas por persoal sanitario do 061 e evacuadas a un centro sanitario.
Escribe o teu comentario