Unha disposición dos PGE podería supor o despedimento de 4.500 interinos da Xunta

O CSIF advirte que o proxecto de lei dos PGE establece un límite de tres anos na contratación de persoal laboral temporal. 


|

Trabajadoroficina


A Central Sindical Independente e de Funcionarios (CSIF) alertou ante unha disposición adicional incluída no proxecto dos Orzamentos Xerais do Estado (PGE) que podería supoñer "o despedimento forzoso" de "4.500" interinos e empregados temporais da Adminstración Xeral da Xunta.


A través dun comunicado emitido este sábado, o sindicato denunciou que o proxecto de lei dos PGE "establece por primeira vez un límite temporal, de tres anos, na contratación de persoal laboral temporal e no nomeamento de funcionarios interinos na administración", que supoñería "o despedimento fulminante do traballador".


Así, sinalou que, a partir da entrada en vigor dos orzamentos --pendentes de ser aprobados no Congreso--, incluirase "unha cláusula no contrato de traballo ou no nomeamento como funcionario interino".


Segundo apunta o CSIF, a disposición podería afectará "a máis de 4.500" empregados públicos "só na Administración Xeral da Xunta", "aos que haberá que sumar os interinos e temporais dos sectores de Educación, Sanidade, Xustiza, etc".


"Esta norma busca blindar as distintas administracións fronte ás numerosas demandas de indefinición presentadas", sinalan, para logo lembrar as sentenzas xudiciais tanto a nivel español como europeo que "puxeron de relevo o abuso continuado da contratación temporal por parte das administracións públicas españolas, incluída a galega".


Deste xeito, cualificou a nova norma como "inxusta e innecesaria", á vez que insta as administracións a convocar prazas para corrixir "as intolerables taxas de interinidade".

relacionada A Xunta analizará a carga de traballo de 16.000 funcionarios da Administración galega

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE