Ramón Sarmiento, novo secretario xeral de CCOO en Galicia

Ramón Sarmiento foi elixido este venres novo secretario xeral de CCOO en Galicia con 194 votos a favor, 41 en contra e ningún en branco, o que equivale a un 82,55 por cento dos apoios.

Deste xeito, Ramón Sarmiento releva a Xosé Manuel Sánchez Aguión, quen deixa este cargo tras un mandato de oito anos e unha "longa traxectoria", segundo el mesmo explicou este xoves aos medios.

Aínda que había dúas candidaturas inicialmente, ao congreso só chegou unha --a de Ramón Sarmiento--, pois anteriormente houbo unha "solución de consenso".

Sarmiento admitiu que a situación económica do sindicato que desde hoxe dirixe é "complexa". Con todo, precisou, os membros desta central sindical están "comprometidos en viabilizala". Para iso, defendeu a necesidade de "facer axustes no gasto", pero tamén "investimentos en novos capítulos" que o "necesitan", como "a acción sindical, a incorporación dos mozos e o compromiso coa muller".