O ex presidente Fernández Albor deixa o Consello Consultivo

A piques de cumprir 100 anos, a súa saúde foi epeorando paulatinamente. En Marea pregunta ao Parlamento pola súa actividade e retribución nos últimos anos.


|

Fernandezalborfeijoo


O Diario Oficial de Galicia publica este venres a renuncia do ex presidente da Xunta Gerardo Fernández Albor á súa condición de conselleiro nato do Consello Consultivo de Galicia. O acordo recolle que o cesamento se produce por "razóns estritamente persoais" e que foi aceptado mediante resolución do presidente do órgano consultivo, José Luis Costa Pillado.


A piques de cumprir cen anos --naceu na capital galega en setembro de 1917--, Fernández Albor, quen estivo á fronte do Goberno galego desde 1982 ata a moción de censura de 1987, ingresou no Consultivo no ano 2007, tras a súa reforma lexislativa, que regula o funcionamento da institución e o status dos exmandatarios.


Nos últimos anos, o ex presidente rebaixou a súa presenza en actividades públicas debido a un empeoramento paulatino da súa saúde, aínda que aínda participou nalgún acto de partido e de campaña para apoiar o líder do PP galego e presidente da Xunta, Alberto Núñez Feijóo.


Feijóo ratifica, precisamente, no acordo que publica o DOG este venres, o seu cesamento no Consultivo e agradécelle "os servizos prestados" e a súa contribución "ao bo funcionamento" desta institución.


PREGUNTA DE EN MAREA


Na mesma xornada na que se certifica a renuncia de Albor no DOG, a orde do día da Comisión Institucional do Parlamento incorpora unha pregunta de En Marea referida á actividade desenvolvida polo Consultivo entre 2014 e 2016, e á participación na mesma "dun dos seus membros".


Entre as preguntas da iniciativa da formación rupturista rexistrada na Cámara autonómica, facíase referencia á actividade e retribucións percibidas polo mandatario nos últimos anos ligadas á presenza nesta institución.

relacionada Albor: "Se Rajoy abandonase Madrid, loitaría para que Feijóo fose presidente"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE