A denuncia contra Iberdrola por inflar o prezo da luz inclúe centrais galegas
Segundo Anticorrupción, a eléctrica obtivo presuntamente de forma ilícita ata 20 millóns coincidindo cunha onda de frío en 2013.
A Audiencia Nacional ordenou á Garda Civil practicar o mércores entradas e rexistros nas sedes de Iberdrola en Madrid e Bilbao despois de admitir unha denuncia da Fiscalía Anticorrupción contra a compañía, indicaron a Europa Press en fontes xurídicas.
A investigación refírese a un presunto delito presuntamente cometido polos directivos ou empregados da empresa que adoptaron as decisións que levaron á "alza artificial do prezo da enerxía eléctrica no período transcorrido entre o 30 de novembro e o 23 de decembro de 2013". Coa manipulación, que afectaría a centrais que a eléctrica ten no río Sil, obtería "un lucro ilícito de 20 millóns".
A presunta manipulación, que a empresa nega, derivou nun escándalo que obrigou ao Goberno a cambiar todo o sistema de fixación de prezos da luz.
Podes ampliar esta información en PressDigital.
Nadal aconsella "afacerse" ás subidas do prezo da luz
Escribe o teu comentario