Rajoy evitará a foto na Audiencia Nacional declarando nun plasma

O vicesecretario de Sectorial do PP, Javier Maroto, asegurou este xoves que son os xuíces os que "deciden cal é o procedemento", despois de que Mariano Rajoy pedise declarar por videoconferencia en Gürtel.

Así se pronunciou nos corredores do Congreso, despois de que o PP --acusado como partícipe a título lucrativo no xuízo pola primeira época de actividades da trama Gürtel (199-2005)-- presentase un escrito ante o tribunal no que solicita que a declaración de Rajoy como testemuña na vista sexa "a través do sistema de videoconferencia por concorrer os requisitos esixidos na lei" para que se cumpra esta posibilidade.

EVITAR A FOTO NA AUDIENCIA?

Ao ser preguntado se ao pedir facelo por videoconferencia quere evitar a súa foto chegando á Audiencia Nacional, sinalou que "a única foto que se vai evitar é a de non comparecer".

Pola súa banda, o portavoz do Grupo Popular no Congreso, Rafael Hernando, defendeu a petición do PP porque, segundo dixo, o seu partido non quere contribuír ao "circo" que, na súa opinión queren "montar" o PSOE, IU e outras partes persoadas no caso.

Amplía esta información en PressDigital.