Crecen un 7,6% as empresas e familias galegas que van á quebra

|

Liquidacioncierre


As familias e empresas que se declararon en concurso de acredores (suspensión de pagos e quebras) ante a imposibilidade de afrontar os seus pagos e débedas creceron un 7,6% no primeiro trimestre do ano en Galicia, fronte ao mesmo período de 2016, ata un total de 85, segundo a estatística de procedemento concursal que publica este martes o Instituto Nacional de Estatística (INE).


Así, case a totalidade dos concursos en Galicia (75) foron de tipo voluntario, mentres que os 10 restantes foron necesarios. Deste xeito, o aumento dos concursos en Galicia (+7,6%) é superior ao incremento da media do estado (+3,9%), e é o oitavo maior entre autonomías.


En canto á natureza xurídica, 22 concursos correspondéronse con persoas físicas sen actividade empresarial e dos restantes 63 (todos en empresas), a maioría foron sociedades de responsabilidade limitada (48), seguidas de sociedades anónimas (9), persoas físicas (5) e outro tipo (1).


Por último, na clasificación por actividade económica principal, das ramas con máis concursos na Comunidade galega foron a construción (14 en edificación e promoción inmobiliaria e 7 no resto), comercio por xunto (8) e industria (9).


As empresas máis concursadas por tramo de asalariados foron as que non contaban con ningún empregado (15), as de 3 a 5 traballadores (14), as de 1 a 2 (8) e as de 6 a 9 asalariados (8).


DATOS ESTATAIS


A nivel estatal, as familias e empresas que se declararon en concurso de acredores (suspensión de pagos e quebras) ante a imposibilidade de afrontar os seus pagos e débedas aumentaron un 3,9% no primeiro trimestre do ano en relación ao mesmo período de 2016.


En concreto, as familias que se declararon en concurso de acredores ascenderon a 263, o que supón un incremento do 42,9% respecto ao mesmo trimestre de 2016, mentres que as empresas concursadas baixaron un 2,7%, ata sumar 1.056 procedementos de quebra.

relacionada As empresas e familias en quebra baixan un 9,06% en 2016 en Galicia

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress