Galicia reforza os montes con militares en lugar de axentes forestais
En principio serán 27 patrullas este verán, dúas máis, pero poderán aumentar ata 75 terrestres e dous helicópteros se o risco de incendio é moi alto.
O Ministerio de Defensa incrementará a 27 as patrullas terrestres do Exército --eran 25 o ano pasado-- que vixiarán os montes galegos durante o período de alto risco de incendios nos meses de verán, provocando máis malestar entre os axentes forestais, que se ven ninguneados.
O obxectivo é reforzar a vixilancia e identificación de potenciais autores de incendios forestais, á vez que se busca que a súa presenza disuada destas prácticas delituosas. O despregamento pode alcanzar as 75 patrullas e dous helicópteros de vixilancia se o risco é moi alto. Segundo Feijóo, "sendo preocupantes" os datos, os lumes e hectáreas queimadas este ano están por baixo da media da última década.
A Consellería do Medio Rural financiará o importe dos gastos que se produzan con motivo da colaboración, cun orzamento que ascende a case 570.000 euros.
Galicia rexistrou máis de 380 incendios en abril
Os incendios intencionados supoñen xa o 85% en Galicia
O BNG insta a pór en marcha o dispositivo contra incendios "ao 100% desde xa"
Escribe o teu comentario