Un incendio nun piso obriga a desaloxar a medio cento de veciños na Coruña

Os servizos de emerxencias atenderon a cinco persoas, tres delas tiveron que ser evacuadas ao hospital.


|

Incendiopiso


Un incendio rexistrado na noite do mércores nun piso dun edificio da Coruña saldouse con cinco persoas afectadas e medio centenar de veciños desaloxados.


Das cinco persoas afectadas, segundo informou o 112 Galicia, tres foron evacuadas a un centro hospitalario, mentres que as outras dúas recibiron atención no propio lugar dos feitos.


Ademais, unhas cincuenta persoas que residen no edificio tiveron que ser desaloxadas mentres levaban a cabo as tarefas de extinción e ventilación, segundo concretaron as mesmas fontes.


O lume iniciouse na cociña dunha das vivendas do sexto piso do inmoble, situado na rúa Francisco Tettamancy. Segundo se lle indicou ao 112, as chamas calcinaron por completo esa estancia, mentres que todas as vivendas do quinto e do sexto piso se viron afectadas polo fume.


O 112 Galicia recibiu un aviso de Urxencias Sanitarias ás 21,25 horas do mércores, tras o que alertou aos Bombeiros da Coruña, a Protección Civil e á Policía Local.

relacionada Falece unha muller de 54 anos no incendio da súa vivenda en Foz

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE