Piden oito anos de cárcere para os catro donos dun bordel de Vilaboa
Tiñan trece traballadoras no club 'Habana', das cales oito, estranxeiras na súa maioría, estaban en situación irregular.
A Fiscalía reclama penas que suman oito anos de prisión para catro acusados que sentarán no banco da Sección Segunda da Audiencia de Pontevedra este 18 de abril, e aos que considera coautores dun delito contra os dereitos dos traballadores por ter oito empregadas sen dar de alta na Seguridade Social.
Segundo o escrito de acusación pública, M.M.F., J.A.G.G.G., e P.L.R.S., socios dunha mercantil, e A.T.C., administrador da sociedade, xestionaban o club de alterne 'Habana', en Vilaboa. Alí tiñan 13 traballadoras, dos que só cinco estaban en situación regular.
Outras oito persoas, traballadoras estranxeiras na súa maioría, non estaban dadas de alta na Seguridade Social, polo que a Fiscalía acusa aos investigados dun delito contra os dereitos dos traballadores.
Para cada un deles solicita dous anos de prisión, e tamén pide unha multa de 5.400 euros. Ademais, reclama que os acusados indemnicen á Tesourería Xeral da Seguridade Social na cantidade que se determine en execución de sentenza.
Confunden petardos por disparos nun bordel do Corgo
Escribe o teu comentario