Cultura destina 100.000 euros a traballos arqueolóxicos no Castro de Viladonga

Unha investigación puxo de manifesto a "deterioración dalgunhas das estruturas castrexas", polo que a consellería estimou necesario levar a cabo un proxecto de conservación preventiva. 


|

Castrovilalonga


A Consellería de Cultura licitou traballos de escavación, acondicionamento e consolidación arqueolóxica no Castro de Viladonga, situado en Castro de Rei (Lugo), ao que destinará un investimento estimado en 100.000 euros.


A intervención, que recolle este martes o Diario Oficial de Galicia, conta con fondos procedentes do programa operativo Feder e conta cun prazo máximo de execución de oito meses.


As tarefas que agora se licitan súmanse ás recentemente concluídas para o acondicionamento e consolidación arqueolóxica e teñen a súa orixe no estudo de diagnose realizado en 2015.


Esta investigación puxo de manifesto a "deterioración dalgunhas das estruturas castrexas", por iso é polo que desde a consellería se estimou a necesidade de levar a cabo un proxecto de conservación preventiva para corrixir esta situación e evitar a derriba e destrución das construcións postas ao descuberto en anteriores campañas arqueolóxicas.


En concreto, os traballos para realizar para a campaña 2017/18 serán de roza e limpeza manual e mecánica, revisión da documentación bibliográfica e documental das antigas campañas de escavación, actualización da rede de bases topográficas existentes no castro, limpeza e consolidación dos muros, pavimentos e outras estruturas, acondicionamento destas áreas, e realización dunha fotogrametría dixital da área de intervención, entre outros.


O Castro de Viladonga é propiedade da Xunta de Galicia e está catalogado como Ben de Interese Cultural (BIC) na súa categoría de Monumento. Trátase dun dos xacementos arqueolóxicos "máis singulares" de Galicia, un dos máis coñecidos polo público e tamén un dos que recibe maior número de visitas durante o ano.

relacionada A Cova de Eirós convértese no xacemento con arte rupestre máis antigo de Galicia
relacionada Quedan á vista novos petróglifos en Oia grazas a uns traballos de limpeza

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE