Aprobado o cambio do decreto de socorrismo
Os socorristas galegos terán un período de catro anos máis, ata 2021, para adaptarse ao decreto que os obriga a dotarse dun certificado de profesionalidade.
O Consello da Xunta aprobou este xoves a modificación do decreto de socorrismo, que amplía a catro anos o prazo transitorio para acreditar a formación mínima.
Así mesmo, créase o Rexistro Profesional de Socorristas de Galicia, nun texto sometido a exposición pública e que é froito do consenso entre os principais axentes implicados: As tres universidades galegas, Federación Galega de Municipios e Provincias (Fegamp), Cruz Vermella e Federación de Socorrismo de Galicia.
Así, ampliarase o período transitorio para adaptarse ao decreto que obriga aos socorristas galegos a dotarse dun certificado de profesionalidade (de 2012), o que permitirá aos profesionais inscritos no rexistro galego poder traballar sen este requisito específico catro anos máis (ata 2021).
As novidades que se introducen no decreto buscan asegurar a cobertura de efectivos nas praias e instalacións acuáticas galegas con garantías de seguridade.
Catro anos máis de marxe para regularizar os socorristas en Galicia
A Deputación da Coruña formará 90 socorristas para solucionar as carencias nas praias
Escribe o teu comentario