Ferido no Porriño un condutor que foi chocar contra unha casa
De madrugada, o seu coche saiu da estrada e encaixouse contra a vivenda, pero puido saír polo seu propio pé.
Unha persoa resultou ferida na madrugada deste domingo, concretamente ao fío das 3,30 horas, tras impactar o seu vehículo contra unha casa no Porriño.
O CAE 112 Galicia foi alertado dunha saída de vía por parte dun particular, quen indicou no seu relato que unha persoa resultara ferida ao impactar o seu vehículo contra unha casa. Apuntou, ademais, que a persoa puidera saír do turismo polos seus propios medios.
De inmediato, o 112 Galicia informou do accidente a Urxencias Médicas, á Policía Local, a Protección Civil da localidade e aos Bombeiros do Baixo Miño. Finalmente, a vítima foi trasladada ao Hospital do Castro e o vehículo, que perdera aceite na rúa como consecuencia do impacto, foi retirado.
Ferida unha muller en Silleda que foi atropelada polo seu propio vehículo
Falece unha moza de 19 anos ao saírse da estrada e envorcar o seu vehículo en Lugo
Escribe o teu comentario