A Garda Civil intervén 39 animais disecados nun anticuario de Tui

O propietario está a ser investigado por un delito contra a flora e a fauna. 


|


AnimalesdisecadosTui

A Garda Civil investiga a un veciño de Tui (Pontevedra) como presunto autor dun delito contra a flora e a fauna, ao posuír ilegalmente case corenta animais disecados, que tiña almacenados nun anticuario nesta localidade.


Segundo informaron fontes do Instituto Armado, a investigación corre a cargo do Servizo de Protección da Natureza (Seprona), que a pasada semana realizou unha inspección nun establecemento de antigüidades de Tui e descubriu numerosos exemplares disecados de especies autóctonas e alóctonas, así como algunhas pezas de caza.


Os axentes localizaron 37 exemplares de aves silvestres e dous mamíferos, que foron intervidos por carecer das preceptivas autorizacións e certificacións que acreditase a súa legal tenencia e procedencia.


Entre os animais incautados hai especies catalogadas en perigo de extinción (zarapito real e aguia real), en réxime de protección especial (martín pescador, alcatraz, peneireiro común, zampullín mozo e andarríos) e de aproveitamento cinegénico (urraca, pavo real, cabra montesa, faisán, perdiz, choia, arrendajo europeo, etc.)


O material intervido quedou en poder do seu propietario, pero coa condición de depósito a disposición da autoridade xudicial.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE