A Eurocámara debate a "persecución" de Facenda aos emigrantes retornados

|

Emigracin


A Eurocámara debaterá, por petición do BNG, a denuncia de "persecución" aos emigrantes galegos retornados por parte de Facenda. Farao na Comisión de Peticións do Parlamento Europeo o vindeiro mércores, 22 de marzo.


Segundo informou o BNG este luns a través dun comunicado, piden que a Comisión Europea se pronuncie sobre a "mala xestión" das institucións do Estado español no que respecta ás persoas que emigraron desde Galicia a Estados membros nos anos 40, 50 e 60.


En concreto, o partido nacionalista, xunto á Plataforma de Emigrantes retornados dá comarca de Vigo --integrada na Coordinadora Nacional Galega de Emigrantes Retornados--, reclama que a institución europea "inste o Goberno español a cumprir os convenios bilaterais asinados con Estados membros da UE, eliminar os expedientes abertos e cambiar a normativa tributaria".


Desta forma, apuntou o BNG, deberíase recoñecer o mesmo status entre as pensións de orixe estranxeira e as españolas, "dado que a Seguridade Social, tanto dos Estados Membros como do Estado español, é a encargada de abonar as pensións".


Finalmente, a portavoz do BNG en Europa, Ana Miranda, lembrou que a Comisión de Peticións solicitou un informe específico á Comisión de Economía do Parlamento Europeo sobre o "acoso masivo de Facenda a tantos miles de emigrantes retornados".

relacionada O embaixador británico en España comprométese cos dereitos dos galegos emigrados

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress