Cancela, "tranquila" ante a opción de que Ferraz cambie a xestora antes de elixir nova dirección

Laura Seara declina pronunciarse sobre calquera substitución e unicamente apela a ser "todos tremendamente responsables"


|


PilarcancelagestoraPSdeG

A presidenta da xestora do PSdeG, Pilar Cancela, asegurou este venres que asume "con tranquilidade e normalidade" a posibilidade de que Ferraz decida introducir cambios no órgano que dirixe de forma interina o partido en Galicia cando faltan pouco máis de "dous meses" para que se elixa unha nova executiva federal.


"Cada un ten a responsabilidade que ten e a toma de decisións que ten, e nós respectamos sempre as decisións e as normas do partido", sostivo Cancela para tratar de resolver as numerosas preguntas dos xornalistas ao termo dunha xornada sobre igualdade de homes e mulleres organizada polo Grupo Parlamentario Socialista.


E, tras salientar que "quedan dous meses para unhas primarias e un congreso" nos que se decidirá quen asume "a dirección política e orgánica" do PSOE, o que si reivindicou Pilar Cancela é que o órgano que dirixe está a cumprir cos labores que lle foron asignados e actuando "correctamente e con responsabilidade".


Ademais, aludiu á retirada das competencias para organizar o proceso de renovación da cúpula do PSdeG a través dunhas primarias e un congreso. "Gustaríanos telas convocado hai moito tempo", agregou.


COINCIDE CON LAURA SEARA


Precisamente nesta xornada de igualdade participou tamén a ourensá Laura Seara, quen actualmente exerce como coordinadora da área de Organización da xestora federal do PSOE. Con ela, declarou Cancela, "non" abordou esas eventuais modificacións. "Non todo é o mundo orgánico, afortunadamente", chanceou, antes de eloxiar a calidade de todas as relatoras neste acto.


Pola súa banda, a exsecretaria de Estado de Igualdade declinou as preguntas dos xornalistas sobre se Ferraz acometerá cambios na dirección do PSdeG. "Non son portavoz da xestora federal e creo que todos debemos ser tremendamente responsables".

relacionada Cancela non descarta a súa candidatura para dirixir o PSdeG

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE