Davide Rodríguez renuncia a ir na lista de Antón Sánchez en Anova

|

Daviderodriguezenmarea


Militantes de Anova da contorna de Davide Rodríguez, el incluído, renunciaron a integrarse na lista que capitanea o viceportavoz parlamentario de En Marea, Antón Sánchez, para os órganos de dirección que se renovan este sábado na III Asemblea Nacional. Ademais, tampouco presentarán candidatura alternativa.


En declaracións a Europa Press, o tamén deputado por Ourense Davide Rodríguez, que asina unha das emendas ao texto político coa dirección saínte da organización nacionalista, confirmou que "non presentarán lista" para a Coordinadora, pero tamén declinaron participar na promovida por Sánchez, xa que entenden que "non é unha lista de consenso".


De facto, isto supoñerá que o máximo órgano de dirección entre asembleas, a Coordinadora Nacional de Anova, terá unha práctica unanimidade para aplicar os documentos que saian da asemblea. O portavoz nacional será, con toda probabilidade e a falta das votacións da militancia este sábado, Antón Sánchez, quen sucederá no cargo ao veterano Xosé Manuel Beiras e a Martiño Noriega, que se declara "reservista" na organización.


"A pluralidade é unha riqueza e queremos que teñan voz todas as asembleas de base", manifestou Davide Rodríguez, quen entende que non se cumpren estes requisitos no deseño da candidatura que impulsou Antón Sánchez. "Por respecto á militancia de base, non participamos, non cumpre eses mínimos e ofrecemos que dirixan a organización sen contrapeso", manifestou.


Isto significa que a Coordinadora non terá 'oposición' interna para executar os textos políticos, unha situación pouco habitual na esquerda nacionalista.


Rodríguez incidiu en que a asemblea deste sábado é "moi importante" e espera que Anova "salga reforzada", porque Galicia "necesita" unha organización política que represente a esquerda nacional. "Antón é máis que válido e o meu apoio vaino ter", sentenciou, en declaracións a Europa Pres, Davide Rodríguez.

relacionada Antón Sánchez lidera unha lista para a dirección de Anova que inclúe a Beiras e Noriega

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress